ಕುಂಕಡಾಲಿ ಆನಿ ಮಂಕಡಾಲಿ ವ್ಹಾರ್ಡಿಕ.

ವ್ಹತ ಯೆತ್ತಾ ಪಾವ್ಸ್ ಯೆತ್ತಾ
ಕುಂಕಡಾ ಮಾಂಕಡಾಕ ವ್ಹಾರ್ಡಿಕ ಜಾತ್ತಾ
ದೋಣಿರಿ ಬೈಸುನು ವ್ಹರಣ ಯೆತ್ತಾ
ಕಾಟ್ಯಾರಿ ಬೈಸುನು ಜವಣ ಜಾತ್ತಾ
ಕುಂಕಡಾಲೆ ಘರಾಕ ತೋರಣ
ಮಂಕಡಾಲೆ ಆಯಿಲೆ ಹೋರಣ (ವ್ಹರಣ)
ಕೊಂಬಡಿ ಜಾಲ್ಲಾ ವ್ಹಕಲ
ತೊಂಡ ಧರಲಾ ಸಕಲ
ಕೊಂಬಡ್ಯಾನ ಧರಲಾ ಸಾತ್ತೆ
ವಲ್ಲೆ ವ್ಹರತಾಲೆ ಮಾತ್ತೆ.

ವ್ಹತ ಯೆತ್ತಾ ಪಾವ್ಸ್ ಯೆತ್ತಾ
ಕುಂಕಡಾ ಮಾಂಕಡಾಕ ವ್ಹಾರ್ಡಿಕ ಜಾತ್ತಾ
ಮಾಂಟ್ವಾಂತ್ ಬಸ್ಲಾ ವ್ಹರ
ಮಂತ್ರ ಮ್ಹಣತಾತಿ ಕೀರ
ಚೊಂವ್ಚಾಕ ಬಸ್ಲ್ಯಾ ಮ್ಹೋರ
ಕೊಂಬ್ಯಾನ ವ್ಹತ್ಲಿ ಧಾರ

ವ್ಹತ ಯೆತ್ತಾ ಪಾವ್ಸ್ ಯೆತ್ತಾ
ಕುಂಕಡಾ ಮಾಂಕಡಾಕ ವ್ಹಾರ್ಡಿಕ ಜಾತ್ತಾ
ವ್ಹರೇತು ಚೊಯ್ತಾ ವ್ಹಕಲೆಕ
ವ್ಹಕಲ ಚೊಯ್ತಾ ವಣತಿಕ
ಪಾವ್ಸ್ ಆಯಿಲೆ ವ್ಹತ ಆಯಿಲೆ
ಕುಂಕಡಾ ಮಾಂಕಡಾಕ ಲಗ್ನ ಜಾಲ್ಲೆ

ವ್ಹತ ಯೆತ್ತಾ ಪಾವ್ಸ್ ಯೆತ್ತಾ
ಕುಂಕಡಾ ಮಾಂಕಡಾಕ ವ್ಹಾರ್ಡಿಕ ಜಾತ್ತಾ
ಕುಂಕಡ ಮಾಂಕಡ ಝಗಡಲಿಂ
ಆಯಿಲೆ ಸಕ್ಕಡ ಬೇಜಾರ್ಲಿಂ
ಕುಂಕಡ ಧಾವ್ಲೆ ಕುಳಾರಾ
ಮಂಕಡ ಧಾವ್ಲೆ ಮಾಯ್ದರಾ