ಆಮ್ಗೆಲೆ ಮೈರಾವಣ ಪಾಜೆರಿ ಆಸ್ಸಿಲೆ ಕಾಕ್ಕಮಾಮ್ಮಾಲೊ ಉಗಡಾಸು ಆಸ್ಸ ನಂವೆ? ತಾಣೆ ಗುಬಂಜಾಕ್ಕಾಲೆ ಚೆರ್ಡುಂವಾಕ ಖಾವ್ನು ತಿಕ್ಕಾ ಬಾಧಾ ದಿತ್ತರಿ ತೀಣೆ ದಿಲ್ಲಲೊ ಲೊಣಿಯಾಚೊ ಮುದ್ದೊ ಮ್ಹಣು ಹೂನ ಸೀಸ ತಾಳ್ಯಾಂತು ಘಾಲೊನು, ಒಂಕುನು ಮಾಗ್ಗಿರಿ ಗಾಂವು ಸೋಣು ವಗ್ಗಾಂತು ಆಸ್ಸುಚೆ ಕೊಡ್ಡಯಿಮಲೆ ಮ್ಹಳ್ಳಲೆ ರಾನ್ನಾಂತು ರಾಬ್ಬಿಲ ನಂವೆ?
ಥಂಯಿ ತಾಣೆ ಮ್ಹೊರಾಕ ಉಪಕಾರು ಕೆಲ್ಲಲೊ ಮ್ಹಣು ಏಕಿ ಕಾಂಣಿ ತುಮ್ಕಾ ಗೊತ್ತಸುಕಾ. ತೇಚಿ ಕಾಕ್ಕಮಾಮ್ಮಲೊ ಭಾವ್ನು ಭಾರಿ ಜೋರು ಆಸ್ಸಿಲೊ. ಆಮ್ಗೆಲೊ ಕಾಕ್ಕಮಾಮ್ಮಾಕ ಬುದ್ಧಿ ಆಯಿಲ್ಯಾ ನಂವೆ? ಜಾಲ್ಯಾರಿ ತಾಗೆಲೆ ಭಾವಾಕ ಆನ್ನೆಕ್ಲ್ಯಾಂಕ ಬಾಧಾ ದಿವ್ಚೆ ಮ್ಹಳ್ಯಾರಿ ಜಾಲ್ಲೆ. ಏಕು ದಿವಸು ತೊ ಸಕಾಂಣೀಂಚಿ ಉಟಾನು ತೊಂಡ ದುವ್ಚಾಕ ಬಾಂಯ್ಚೆ ಕಾಟ್ಟ್ಯಾರಿ ಬೈಸುನು ಆಸ್ತನಾ ಥಂಯಿ ಏಕಿ ಕೀಡಿ ಕೀಂ ಕೀಂ ಕರ್ನು ರಡ್ತ ಆಸ್ಸಿಲಿ. ತೆದನಾ ಹೊ ಕಾಕ್ಕಮಾಮು ಕೀಡಿಲಾಗ್ಗಿ ಸಾಂಗ್ತಾ:
"ಕಿಡಿಕಿಡೀ ಖಾವುಂ ಕುಟ್ಟಾ."
ತೆ ಆಯ್ಕುನು ತಿ ಕೀಡಿ: "ತೊಂಡ ಧೂಯಿ ಆನಿ ಖಾ." ಮ್ಹಣ್ತಾ.
ಕಾಕ್ಕಮಾಮು ಬಾಂಯ್ಚೆಲಾಗ್ಗಿ ನಿಮ್ಗಿತಾ "ಬಾಂಯ್ಯೆ ಬಾಂಯ್ಯೆ-ದೀ ಉದ್ದಾಕ-ಧುಂವ್ಚಾಕ ಮೆಗೆಲೆ ತೋಂಡ, ಖಾವು ಕೀಡಿ ಕುಟ್ಟಾ."
ಬಾಂಯಿಂ ಮ್ಹಣ್ತಾ: "ಕಳ್ಸೊ ಹಾಡಿ, ಆನಿ ಉದ್ದಾಕ ಕಾಡಿ."
ಕಾಕ್ಕಮಾಮು ಸೀದಾ ಕುಂಬಾರಾಚಾಲೆ ಘರಾಕ ವತ್ತಾ ಆನಿ ತಾಗೆಲಾಗ್ಗಿ ಸಾಂಗ್ತಾ: "ಕುಂಬ್ ಕುಂಬಾರಾ- ದೀ ಕಳ್ಸೊತೊ, ಕಾಡು ಉದ್ದಾಕ, ಧುಂವ್ಚಾಕ ತೊಂಡ, ಖಾಂವು ಕೀಡಿ-ಕುಟ್ಟಾ."
ತೆ ಆಯ್ಕುನು ಕುಂಬಾರಾಚೊ ಸಾಂಗ್ತಾ- "ಮಾತ್ತಿ ಹಾಡಿ -ಕಳ್ಸೊ ಕರ್ನು ದಿತ್ತಾಂ."
ಕಾಕ್ಕಮಾಮು ಸೀದಾ ಗುಡ್ಡ್ಯಾಲಾಗ್ಗಿ ವತ್ತಾ ಆನಿ ನಿಮ್ಗಿತಾ: "ಗುಡ್ಡ್ಯಾ ಗುಡ್ಡ್ಯಾ ದೀ ಮಾತ್ತಿ- ಕರುಂ ಕಳ್ಸೊತೊ ಕಾಡು ಉದ್ದಾಕ ಧುಂವ್ಚಾ ತೋಂಡ ಖಾಂವು ಕೀಡಿ ಕುಟ್ಟಾ."
ತೆ ಆಯ್ಕುನು ಗುಡ್ಡೊ ಮ್ಹಣಾಲೊ: "ಕೊಯಿತಿ ಹಾಡಿ- ಆನೀ ಖೊಂಡೀ"
ತೋ ಕಾಮಾರಾಂಚಾಥಂಯಿ ವತ್ತಾ ಆನಿ ತಾಗೆಲಾಗ್ಗಿ ನಿಮ್ಗಿತಾ: "ಕಾಮ್ ಕಾಮಾರಾ- ದೀ ಕೊಯಿತಿ, ಖೊಂಡು ಮಾತ್ತಿ, ಕರುಂ ಕಳ್ಸೊತೊ, ಕಾಡೂ ಉದ್ದಾಕ, ಧುಂವ್ಚಾಕ ತೋಂಡ, ಖಾಂವು ಕೀಡಿ -ಕುಟ್ಟಾ."
ತೆ ಆಯ್ಕುನು ಕಾಮಾರಾಂಚೊ ಲೆಕ್ತಾ: `ಆತ್ತ ಹಾಂವೆ ಕೊಯಿತಿ ದಿಲ್ಲ್ಯಾರಿ ಹೊ ಕಾಕ್ಕಮಾಮು ವಚ್ಚುನು ಮಾತ್ತಿ ಖೊಂಡುನು ಕುಂಬಾರಾಕ ದಿತ್ತಾ-ತೋ ಕಳ್ಸೊ ಕರ್ನು ದಿತ್ತಾ, ಕಳ್ಸೊ ಹೊರ್ನು ಕಾಕ್ಕಮಾಮು ಉದ್ದಾಕ ಕಾಡ್ತಾ. ಆನೀ ತೋಂಡ ಧೂವ್ನು ಕೀಡಿಕ ಖಾಂವ್ನು ಪಡ್ತಾ.
ಹೆ ಕಾಕ್ಕಮಾಮ್ಮಾಕ ಕರ್ತಾ ಬಗಾ.' ಮ್ಹಣು ತಾಜ್ಜೆ ಲಾಗ್ಗಿ: "ಕಾಕ್ಕಮಾಮ್ಮಾ ಹಾಂವ ಆತ್ತ ಹಾಂಗಾ ಏಕ್ಲೋಚಿ ಆಸ್ಸ. ತೆ ನಿಮಿತ ತೂಂ ಉಜ್ಜೊ ಫುಂಕ್ತಾ ಬೈಸ. ಹಾಂವ ಕೊಯಿತಿ ಕರ್ನು ದಿತ್ತಾಂ" ಮ್ಹಣು ಸಾಂಗ್ತಾ.
ಕಾಕ್ಕಮಾಮ್ಮಾಕ ಖೂಸೀ ಜಾತ್ತಾ ಆನಿ ಜೋರು ಉಜ್ಜೊ ಫುಂಕ್ತಾ. ಕಾಮಾರಾಂಚೊ ಮಾಕ್ಷಿ ಥಾಂವ್ನು ಕಾಕ್ಕಮಾಮ್ಮಾಕ ಉಜ್ಜಾಂತು ಲೊಕೋನು ಪಡ್ತಾ. ಕಾಕ್ಕಮಾಮು ಮರ್ತಾ.
ಥಂಯಿ ತಾಣೆ ಮ್ಹೊರಾಕ ಉಪಕಾರು ಕೆಲ್ಲಲೊ ಮ್ಹಣು ಏಕಿ ಕಾಂಣಿ ತುಮ್ಕಾ ಗೊತ್ತಸುಕಾ. ತೇಚಿ ಕಾಕ್ಕಮಾಮ್ಮಲೊ ಭಾವ್ನು ಭಾರಿ ಜೋರು ಆಸ್ಸಿಲೊ. ಆಮ್ಗೆಲೊ ಕಾಕ್ಕಮಾಮ್ಮಾಕ ಬುದ್ಧಿ ಆಯಿಲ್ಯಾ ನಂವೆ? ಜಾಲ್ಯಾರಿ ತಾಗೆಲೆ ಭಾವಾಕ ಆನ್ನೆಕ್ಲ್ಯಾಂಕ ಬಾಧಾ ದಿವ್ಚೆ ಮ್ಹಳ್ಯಾರಿ ಜಾಲ್ಲೆ. ಏಕು ದಿವಸು ತೊ ಸಕಾಂಣೀಂಚಿ ಉಟಾನು ತೊಂಡ ದುವ್ಚಾಕ ಬಾಂಯ್ಚೆ ಕಾಟ್ಟ್ಯಾರಿ ಬೈಸುನು ಆಸ್ತನಾ ಥಂಯಿ ಏಕಿ ಕೀಡಿ ಕೀಂ ಕೀಂ ಕರ್ನು ರಡ್ತ ಆಸ್ಸಿಲಿ. ತೆದನಾ ಹೊ ಕಾಕ್ಕಮಾಮು ಕೀಡಿಲಾಗ್ಗಿ ಸಾಂಗ್ತಾ:
"ಕಿಡಿಕಿಡೀ ಖಾವುಂ ಕುಟ್ಟಾ."
ತೆ ಆಯ್ಕುನು ತಿ ಕೀಡಿ: "ತೊಂಡ ಧೂಯಿ ಆನಿ ಖಾ." ಮ್ಹಣ್ತಾ.
ಕಾಕ್ಕಮಾಮು ಬಾಂಯ್ಚೆಲಾಗ್ಗಿ ನಿಮ್ಗಿತಾ "ಬಾಂಯ್ಯೆ ಬಾಂಯ್ಯೆ-ದೀ ಉದ್ದಾಕ-ಧುಂವ್ಚಾಕ ಮೆಗೆಲೆ ತೋಂಡ, ಖಾವು ಕೀಡಿ ಕುಟ್ಟಾ."
ಬಾಂಯಿಂ ಮ್ಹಣ್ತಾ: "ಕಳ್ಸೊ ಹಾಡಿ, ಆನಿ ಉದ್ದಾಕ ಕಾಡಿ."
ಕಾಕ್ಕಮಾಮು ಸೀದಾ ಕುಂಬಾರಾಚಾಲೆ ಘರಾಕ ವತ್ತಾ ಆನಿ ತಾಗೆಲಾಗ್ಗಿ ಸಾಂಗ್ತಾ: "ಕುಂಬ್ ಕುಂಬಾರಾ- ದೀ ಕಳ್ಸೊತೊ, ಕಾಡು ಉದ್ದಾಕ, ಧುಂವ್ಚಾಕ ತೊಂಡ, ಖಾಂವು ಕೀಡಿ-ಕುಟ್ಟಾ."
ತೆ ಆಯ್ಕುನು ಕುಂಬಾರಾಚೊ ಸಾಂಗ್ತಾ- "ಮಾತ್ತಿ ಹಾಡಿ -ಕಳ್ಸೊ ಕರ್ನು ದಿತ್ತಾಂ."
ಕಾಕ್ಕಮಾಮು ಸೀದಾ ಗುಡ್ಡ್ಯಾಲಾಗ್ಗಿ ವತ್ತಾ ಆನಿ ನಿಮ್ಗಿತಾ: "ಗುಡ್ಡ್ಯಾ ಗುಡ್ಡ್ಯಾ ದೀ ಮಾತ್ತಿ- ಕರುಂ ಕಳ್ಸೊತೊ ಕಾಡು ಉದ್ದಾಕ ಧುಂವ್ಚಾ ತೋಂಡ ಖಾಂವು ಕೀಡಿ ಕುಟ್ಟಾ."
ತೆ ಆಯ್ಕುನು ಗುಡ್ಡೊ ಮ್ಹಣಾಲೊ: "ಕೊಯಿತಿ ಹಾಡಿ- ಆನೀ ಖೊಂಡೀ"
ತೋ ಕಾಮಾರಾಂಚಾಥಂಯಿ ವತ್ತಾ ಆನಿ ತಾಗೆಲಾಗ್ಗಿ ನಿಮ್ಗಿತಾ: "ಕಾಮ್ ಕಾಮಾರಾ- ದೀ ಕೊಯಿತಿ, ಖೊಂಡು ಮಾತ್ತಿ, ಕರುಂ ಕಳ್ಸೊತೊ, ಕಾಡೂ ಉದ್ದಾಕ, ಧುಂವ್ಚಾಕ ತೋಂಡ, ಖಾಂವು ಕೀಡಿ -ಕುಟ್ಟಾ."
ತೆ ಆಯ್ಕುನು ಕಾಮಾರಾಂಚೊ ಲೆಕ್ತಾ: `ಆತ್ತ ಹಾಂವೆ ಕೊಯಿತಿ ದಿಲ್ಲ್ಯಾರಿ ಹೊ ಕಾಕ್ಕಮಾಮು ವಚ್ಚುನು ಮಾತ್ತಿ ಖೊಂಡುನು ಕುಂಬಾರಾಕ ದಿತ್ತಾ-ತೋ ಕಳ್ಸೊ ಕರ್ನು ದಿತ್ತಾ, ಕಳ್ಸೊ ಹೊರ್ನು ಕಾಕ್ಕಮಾಮು ಉದ್ದಾಕ ಕಾಡ್ತಾ. ಆನೀ ತೋಂಡ ಧೂವ್ನು ಕೀಡಿಕ ಖಾಂವ್ನು ಪಡ್ತಾ.
ಹೆ ಕಾಕ್ಕಮಾಮ್ಮಾಕ ಕರ್ತಾ ಬಗಾ.' ಮ್ಹಣು ತಾಜ್ಜೆ ಲಾಗ್ಗಿ: "ಕಾಕ್ಕಮಾಮ್ಮಾ ಹಾಂವ ಆತ್ತ ಹಾಂಗಾ ಏಕ್ಲೋಚಿ ಆಸ್ಸ. ತೆ ನಿಮಿತ ತೂಂ ಉಜ್ಜೊ ಫುಂಕ್ತಾ ಬೈಸ. ಹಾಂವ ಕೊಯಿತಿ ಕರ್ನು ದಿತ್ತಾಂ" ಮ್ಹಣು ಸಾಂಗ್ತಾ.
ಕಾಕ್ಕಮಾಮ್ಮಾಕ ಖೂಸೀ ಜಾತ್ತಾ ಆನಿ ಜೋರು ಉಜ್ಜೊ ಫುಂಕ್ತಾ. ಕಾಮಾರಾಂಚೊ ಮಾಕ್ಷಿ ಥಾಂವ್ನು ಕಾಕ್ಕಮಾಮ್ಮಾಕ ಉಜ್ಜಾಂತು ಲೊಕೋನು ಪಡ್ತಾ. ಕಾಕ್ಕಮಾಮು ಮರ್ತಾ.
-----೦೦೦-----
ಹೀ ಕಾಂಣಿ ಕುಂಡ್ಯಾ ಕುರ್ಕುಳ ಪುಸ್ತಕಾರಿ ಆಸ್ಸ.
0 ಕಾಮೆಂಟ್(ಗಳು):
Post a Comment